უძინართა მზე (1992)
ამ გვერდს გაეცნო 31404 სტუმარი
მხატვრული ფილმი, დრამა, 14 ნაწილი, 3557 მეტრი (130 წთ.)
სტუდია "ადამი და ევა"

დამდგმელი რეჟისორი: თემურ ბაბლუანი
სცენარის ავტორი: თემურ ბაბლუანი
დამდგმელი ოპერატორები: ვიქტორ ანდრიევსკი, ნუგზარ ნოზაძე
დამდგმელი მხატვრები: თემურ ხმალაძე, თამაზ ლომია
ხმის ოპერატორი: ედიშერ გიორგაძე
მემონტაჟე: გიული გრიგორიანი
მონაწილეობენ: დავით კაზიშვილი (დათო), ელგუჯა ბურდული (გელა), ლია ბაბლუანი (დედა), ეკა საათაშვილი (აგნესა), გივი სიხარულიძე (ვანიჩკა), ფლორა (ფეოდოსია) შედანია (თამარ კლდიაშვილი), ლეო (ლევან) ფილფანი, გივი თოხაძე, ჯ. დელიბაშვილი, მიხეილ მჟავია, რ. ტურძელაძე, ი. ელოშვილი, ს. სვეტლოვი, ზურაბ ერისთავი, თამაზ კიკნაძე, გივი ხახიძე, იოსებ (სოსო) ჯაჭვლიანი, ლიკა ქავჟარაძე, ს. ხუციშვილი, თეიმურაზ კვანტალიანი, იური ვასაძე, მამუკა კიკალეიშვილი, მ. ჯაფარიძე, მარლენ ეგუტია, თამარ ბუხნიკაშვილი, ეკა ქუთათელაძე, სულთან კვიტაიშვილი, ოთარ (II) ლითანიშვილი
მუსიკალური გაფორმება: თემურ ბაბლუანისა  

ბუნებით მაძიებელი, ნიჭიერი, მაგრამ მოკრძალებული ექიმი გელა ბენდელიანი კიბოს საწინააღმდეგო ვაქცინის შექმნას წლებს შეალევს. საკუთარი ბინის სხვენში ექსპერიმენტებს ატარებს, მაგრამ სამეცნიერო საბჭოს მისი ნაშრომი არ აინტერესებს... მეზობლების საყვედურებით და გაჭირვებული ყოფით გაბეზრებული გელას ქალიშვილი აგნესა სხვენიდან საცდელ ვირთხებს გაუშვებს. გელა არალეგალურად, საკუთარი ხელით გაიკეთებს ბრმა ნაწლავის ოპერაციას, რასაც ემსხვერპლება კიდეც. მამის გარდაცვალების შემდეგ გელას ვაჟი დათო მამის ერთ–ერთ საცდელ ვირთხას, ხელოვნურად დასნეულებულ "პელეს" მეტასტაზებისგან განკურნებულს აღმოაჩენს, რაც გელას ექსპერიმენტის დადებით შედეგზე მეტყველებს.

ფესტივალები და პრიზები: 

ჟიურის სპეციალური პრიზი, ბერლინის (გერმანია) საერთაშორისო კინოფესტივალი (1992).